РИМ – Нова Година  (Авионска програма)

Туристичка Агенција Екстра Бус
Локација

Рим, Италија

Датум

28 декември 2021 – 01 јануар 2022

Контакт

043 420 020 / 072 230 200 / booking@ekstrabus.com

РИМ – Нова Година  (Авионска програма)

  1. ДЕН (28.12.2021 Вторник) СКОПЈЕ – РИМ

    Состанок на групата на скопскиот аеродром во 12:05 часот. Лет за Рим W6 7757 во 15:05ч. Пристигнување во Рим во 16:40 часот. Трансфер до хотелот со  панорамско разгледување на градот: Виа Венето, Шпанските скали, Олтарот на мирот, плоштадот Венеција, Римскиот форум, Виа Дел Корсо, Колосеумот, мостовите на Тибар, црквата Св. Петар, Фонтаната Ди Треви… Сместување и слободно време за индивидуални активности. Ноќевање.

 

  1. ДЕН (29.12.2021 Среда) РИМ – ВАТИКАН – НАВОНА

Појадок. Факултативна посета на Ватикан, еден од најголемите музејски комплекси во светот каде се изложени многубројни уметнички дела собрани од Римокатоличката црква низ вековите. Основач е папата Јулиј II во 1506г. Посета на Сикстинската капела, Ватиканските музеи, Рафаеловите соби, црквата Св.Петар… По разгледот, препорачуваме прошетка покрај Замокот на Ангелите и преку Мостот на Ангелите до плоштадот Навона, изграден врз темелите на Стадионот на Доминицијан од 1ви век. Познат и како уметничка четврт на Рим, плоштадот Навона е гордоста на барокот на градот Рим со скулптури и архитектонски дела од Џан Лоренцо Бернини: познатата фонтана Fontana dei Quattro Fiumi, црквата Св.Агнеса во Агонија од Боромини и Рајналди… Можност за краток одмор за ручек или уживање во вкусот на италијанското кафе. Слободно попладне за индивидуални прошетки. Ноќевање.

 

  1. ДЕН (30.12.2021 Четврток) РИМ – ТИВОЛИ

Појадок. Факултативна посета на местото Tиволи. Прекрасната Villa D’Este и нејзината градина се наоѓаат на листата на светското културно наследство под закрила на UNESCO. Со импресивните петстотини фонтани, нимфи, пештери, игри со вода и музика, претставува копиран модел на најпознатите Европски градини во маниристички и барок стил. Враќање во Рим. Попладне препорачуваме прошетка низ познатиот боемски кварт Трастевере: Црквата Св.Марија ин Трастевере, посета на единствениот остров на Тибар, каде во минатото се појавила и првата Римска Населба. На островот можете да ја посетите црквата Св. Бартоломеј. Слободно време за вечера во некој од многубројните традиционални италијански ресторани во Трастевере. Ноќевање.

 

  1. ДЕН (31.12.2021 Петок) РИМ (Римокатоличките катедрали и гробот на Св.Кирил)

Појадок. Слободно време за индивидуални активности и прошетки. Можност за факултативна прошетка низ Рим со метро и посета на катедралите Сан Џовани Латерано, Санта Марија Маџоре, црквата Сан Пјетро ин Винколи, прошетката продолжува покрај Колосеумот (мала пауза за фотографирање) до црквата Сан Клементе каде ќе ги посетиме капелата и гробот на Св. Кирил…Слободно време за индивидуални активности и прошетки. Попладне ви препорачуваме прошека по познатата Виа Дел Корсо (најпознатата шопинг улица), посета на фонтаната di Trevi, враќање во Вечниот град. Имајте пријатна кафе пауза покрај познатите Шпански скали.  Прослава на Нова Година на некој од градските плоштади. Ноќевање.

 

  1. ДЕН (01.01.2022 Вторник) РИМ  – СКОПЈЕ

Појадок. Напуштање на хотелот. Слободно утро за индивидуални прошетки. Попладне трансфер до аеродромот во Рим. Лет за Скопје W6 7758 во 17:15ч. Пристигнување во Скопје во 18:50 часот.

 

 

Цена на аранжманот во предпродажба:
Superior пакет (со вклучени 2 разгледи) – 419€ (25.978мкд)
Premium пакет (со вклучени сите разгледи) – 529€ (32.798мкд)

 

РАЗГЛЕДИ И ПОСЕТИ – ПАКЕТОТ ВКЛУЧУВА/НЕ ВКЛУЧУВА:
– Организиран панорамски разглед на Рим:
SUPERIOR √ (вклучено) ; PREMIUM √ (вклучено)

– Посета на римокатоличките катедрали и гробот на Св.Кирил (без метро карта и влезница):
SUPERIOR √ (вклучено) ; PREMIUM √ (вклучено)

– Посета на Ватикан (со метро): резервација, слушалки, локален водич и влезница:
SUPERIOR (доплата 55€) ; PREMIUM √ (вклучено)

– Посета на Тиволи со превоз, локален водич и влезница:
SUPERIOR (доплата 65€) ; PREMIUM √ (вклучено) 

 

 

ВО ЦЕНАТА НА АРАНЖМАНОТ Е ВКЛУЧЕНО:

– Авионски превоз на релација: Скопје – Рим – Скопје (со Wizz Air) со вклучени аеродромски такси.
– Сместување во хотел *** од групацијата на http://raelihotels.it, на база 4 ноќевања со појадок
– Панорамски разглед на градот Рим со локален водич
– Посета на римокатоличките катедрали и гробот на Св.Кирил (без метро карта и влезница)
– Рачна торба (20x40x30cm), максимум 10кг.
– Oрганизирани трансфери во Рим: аеродром – хотел – аеродром
– Организација на аранжманот и придружник на патувањето

 

ВО ЦЕНАТА НА АРАНЖМАНОТ НЕ Е ВКЛУЧЕНО:

– Здравствено – патничко  осигурување 164 мкд или 241 мкд со Ковид покритие
– Туристичка такса: Хотел 3* – 4€ по лице / ноќевање, се наплатува на рецепција.
– Пријавен багаж до 20кг – информација во агенција
– Пријавен багаж до 32кг – информација во агенција
– Доплата за 1/1 соба – 128€
– Билети за превоз со метро 1,5€ по правец / 7€ дневен билет
– Влезници за културно-историските споменици

 

НАПОМЕНА:

– За реализација на аранжманот, потребен е минимум од 20 патници
– За овој аранжман важат Општите услови за патување на СКТМ

 

НОВИ МЕРКИ ЗА ВЛЕЗ ВО ИТАЛИЈА ОД МАКЕДОНИЈА со важност до 25.10.2021

– Патникот треба да поседува валиден сертификат добиен од здравстевните органи по втората вакцинација со вакцини одобрени од Европската агенција за лекови (Pfizer-BioNtec, Moderna, AstraZeneca или Johnson & Johnson).
– Патникот исто така треба да поседува негативен ПЦР или брз антигенски тест, не постар од 72 часа, односно 48 часа.
– Патниците треба да го пополнат онлајн дигиталниот формулар за локализација на патниците (digital Passenger Locator Form, dPLF) на веб страницата https://app.euplf.eu/#/ и истиот да го прикажат на претставниците на авио компанијата при качување во авионот и на сите овластени лица кои тоа ќе го побараат, во дигитална форма на смартфон или отпечатен на хартија.

Форма за резервација

Можеби ќе те интересира

Hotel New Montenegro 4*

canj
Menu